Մենք պաշտպանում ենք մեր երկրի, ժողովրդի շահը, և, իհարկե, միշտ կունենանք այս մոտեցումը, վերաբերմունքը,- այս մասին ասել է «Վրացական երազանքի» գլխավոր քարտուղար Կախա Կալաձեն։

Կախա Կալաձեին հարցրել են նախկին կոնգրեսական Ադամ Քինզինգերի հայտարարության մասին, ով նշել է. «Հետաքրքիր է՝ վերջին անգամ ե՞րբ է «Վրացական երազանքը» կանչել Ռուսաստանի դեսպանին։ Հե՜յ, «Վրացական երազանք», գիտե՞ս, որ Ռուսաստանը պարտվում է։

Կախա Կալաձեի խոսքով, Վրաստանի իշխանության ներկայացուցիչներն անձամբ են խոսում ներկա իրականության և Ուկրաինայում կատարվող դժբախտության մասին։

«Շատ հայտարարություններ կարելի է գտնել այն մասին, որ մեր իշխանության ներկայացուցիչներն անձամբ են խոսում ներկա իրականության և այն դժբախտության մասին, որը, ցավոք, տեղի է ունենում Ուկրաինայում։ Շատ նման հայտարարություններ կարելի է գտնել: Ինչ վերաբերում է մեր երկրի դիրքորոշմանը, մենք բազմիցս պարզաբանումներ ենք արել այն մասին, որ մենք պաշտպանում ենք մեր երկրի և ժողովրդի շահերը, և, իհարկե, մենք միշտ նման մոտեցում կունենանք», ասել է Կախա Կալաձեն։