Հնարավոր է, որ ինչ-որ մեկը այլ քաղաքական հայացքներ ունենա, բայց եթե գնանք, միմյանց քիթ ու բերան ջարդենք ու պաստառները պատռենք, դա կապ չունի ոչ ժողովրդավարության, ոչ Եվրոպայի հետ, – այս մասին ասաց նա «Վրացական երազանք – ժողովրդավարական Վրաստան» կուսակցության Թբիլիսիի նախընտրական շտաբի մոտ նախատեսված բողոքի ցույցերի վերաբերյալ հարցին պատասխանելիս։

Կախա Կալաձեն բոլորին հորդորում է իրականությանը նայել։

«Ամեն օր հավաքվում են, հանդիպում են միմյանց, խոսում ու հայհոյում։ Հավանաբար վաղն էլ կհավաքվեն։ Ցանկանում եմ բոլոր նրանց, ովքեր այնտեղ են, նույնիսկ նրանց, ովքեր ունեն տարբեր կարծիքներ, մաղթել, որ նայեն իրականությանը։ Հնարավոր է, որ ինչ-որ մեկին ուրիշը դուր գա, այլ քաղաքական հայացքներ ունենա, բայց եթե գնանք, միմյանց քիթ ու բերան ջարդենք, հայհոյենք, պաստառները պատռենք ու խանգարենք նախընտրական քարոզարշավին, դա ընդհանրապես կապ չունի ժողովրդավարության կամ Եվրոպայի հետ։ Դա մթություն է», – հայտարարել է Կախա Կալաձեն։