Հնարավոր է, որ ինչ-որ մեկը այլ քաղաքական հայացքներ ունենա, բայց եթե գնանք, միմյանց քիթ ու բերան ջարդենք ու պաստառները պատռենք, դա ոչ մի կապ չունի ժողովրդավարության և Եվրոպայի հետ, – այս մասին ասաց Թբիլիսիի քաղաքապետ Կախա Կալաձեն՝ «Վրացական երազանք – ժողովրդավարական Վրաստան» կուսակցության Թբիլիսիի նախընտրական շտաբի մոտ նախատեսված բողոքի ցույցերի վերաբերյալ հարցին պատասխանելիս։

Կախա Կալաձեն բոլորին հորդորում է նայել իրականությանը։

«Ամեն օր հավաքվում են, հանդիպում են միմյանց, խոսում ու հայհոյում։ Հավանաբար վաղն էլ կհավաքվեն։ Ցանկանում եմ բոլոր նրանց, ովքեր այնտեղ կանգնած են, անգամ նրանց, ովքեր ունեն այլ կարծիք, մաղթել, որ նայեն իրականությանը։ Հնարավոր է, որ ինչ-որ մեկին ուրիշը դուր գա, ունենա այլ քաղաքական հայացքներ, բայց եթե գնանք, միմյանց քիթ ու բերան ջարդենք, հայհոյենք, պաստառները պատռենք ու խանգարենք նախընտրական քարոզարշավին, դա ընդհանրապես կապ չունի ժողովրդավարության և Եվրոպայի հետ։ Դա մթություն է», – հայտարարել է Կախա Կալաձեն։