Կախա Կալաձե. Կոռուպցիայի դեմ պայքարը և կանխարգելիչ միջոցառումների իրականացումը հիմնարար կարևորություն ունի
Թբիլիսիի քաղաքապետը հայտարարել է, որ պաշտպանության նախկին նախարար Ջուանշեր Բուրչուլաձեի ձերբակալման փաստը տհաճ է, սակայն կոռուպցիայի դեմ պայքարը իշխող թիմի համար սկզբունքային նշանակություն ունի։
Այս մասին ասել է Կախա Կալաձեն համապատասխան հարցին պատասխանելիս։
«Կոռուպցիայի դեմ պայքարը և կանխարգելիչ միջոցառումների իրականացումը սկզբունքային նշանակություն ունեն։ Ինչ վերաբերում է Բուրչուլաձեի ձերբակալմանը, իհարկե, դա հաճելի չէ ո՛չ ինձ համար, ո՛չ էլ իմ թիմակիցների։ Ծանր դեպք է, երբ ձերբակալվում է քո թիմակիցն այն ժամանակ, երբ երկիրը ստիպված է քայլել դանակի սայրի վրայով։ Ինքը՝ կուսակցության պատվավոր նախագահը, ամեն ինչ մի կողմ է դրել, և դուք տեսնում եք, թե ինչպես է պայքարում այն չարիքի դեմ, որը պայքարում է Վրաստանի, մեր հայրենիքի դեմ։ Այս պայմաններում և իրավիճակում նման դեպքերի տեղի ունենալը շատ վատ է», – նշել է Կախա Կալաձեն։
Դատախազությունը պաշտպանության նախկին նախարար Ջուանշեր Բուրչուլաձեին մեղադրանք է ներկայացրել պաշտոնեական լիազորությունները չարաշահելու և ապօրինի եկամուտների լեգալացման փաստերով։