Կախա Կալաձե. Կիսում եմ Գուրիայում բնական աղետի հետևանքով զոհվածների ընտանիքի անդամների, համայն Վրաստանի սրտի ցավը
Կիսում եմ համայն Վրաստանի, Գուրիայում բնական աղետի հետևանքով զոհվածների ընտանիքի անդամների սրտի ցավը,- այս մասին ֆեյսբուքյան իր էջում գրում է մայրաքաղաքի քաղաքապետ Կախա Կալաձեն։
Կախա Կալաձեի խոսքով՝ աղետի գոտում մոբիլիզացված են պետական բոլոր գերատեսչությունները, և իրականացվում են փրկարարական միջոցառումներ։
«Վրաստանը կրկին ցնցվեց բնական աղետից՝ Գուրիայի շրջանում հորդառատ անձրեւի հետեւանքով առաջացած սողանքը մարդկային կյանքեր խլեց։ Ամբողջ սրտով կիսում եմ բնական աղետի հետևանքով զոհվածների ընտանիքի անդամների և հարազատների սրտի ցավը։ Աղետի գոտում մոբիլիզացված են պետական բոլոր գերատեսչությունները, շարունակվում են փրկարարական աշխատանքները»,- գրել է Կախա Կալաձեն։
Գուրիայի շրջանում տարերային աղետի հետեւանքով երկու մարդ է մահացել, մեկ անձի որոնողական աշխատանքները դեռ շարունակվում են։ Հորդառատ անձրեւի հետեւանքով ջուրը լցվել է մի քանի գյուղերի տների առաջին հարկերը, բակերը, գյուղատնտեսական տարածքները։ ՆԳՆ-ի տվյալներով՝ Գուրիայում աղետի գոտում փրկարարների ուժերով փրկվել է 11 քաղաքացի, այդ թվում՝ երեխաներ և անչափահասներ և տեղափոխվել անվտանգ տարածք։