Կցանկանայի անդրադառնալ կեղծ լուրերին, որոնց նպատակը Թբիլիսիի քաղաքապետարանը վարկաբեկելն է։ Նրանք ամեն կերպ փորձում են ինչ-որ կերպ վարկաբեկել քաղաքապետարանը, և հիմնական թիրախը Կախա Կալաձեն է, փորձում են խաբել հանրությանը, շատ անհեթեթություններ են հորինում,- այս մասին ասել է Թբիլիսիի քաղաքապետ Կախա Կալաձեն։

Նրա խոսքով՝ մի քանի հեռուստաալիքներ սխալ տեղեկատվություն են տարածել, թե իբր թաղամասերից մեկում մանկական ատրակցիոնները սխալ են տեղադրվել։

«Մենք այստեղ ենք այս հնարավորությունը տալու կոնկրետ այս հեռուստաընկերություններին։ Երեկ «TV Պիրվելի»-ն ու «Մթավարի արխի»-ն էին այս սուտը հիմնական շրջանառողները, թե իբր մայրաքաղաքի քաղաքապետարանը Մուխիանիում մանկական ատրակցիոնները տեղադրել է սխալ։ Ծիծաղ ու քմծիծաղ լսվեց, պարզվում է, որ մենք այդքան անընդունակ ենք։ Արժե՞ նման ցածր մակարդակի մարդկանց համար պատասխանել։ Հավատացած ենք, որ հասարակության այն առողջ հատվածը, որը գոհ է երկրի զարգացումից ու առաջընթացից, նրանց համար բացատրություններ կանի։ Նրանց ոչինչ չի օգնում, նրանք ներքեւում են, դա իրենց իրավունքն է։ Երկրում ունենք ժողովրդավարություն, բայց կեղծիք թույլ չենք տա, և դրան կհետևի համապատասխան արձագանք։ Նպատակային կեղծ լուրեր են տարածվում: Դա հանրությանը մոլորեցնելու փորձ է, մենք չպետք է այդ հնարավորությունը տանք չար մարդկանց»,- ասել է Կալաձեն։