Կան ամսաթվեր, որոնք մեզ հիշեցնում են ամենամեծ ողբերգությունը և ազգային հպարտության հիմքն են, ինչպիսին է ապրիլի 9-ը, ցավալի և ապագայի հույսով լի,- ասված է Թբիլիսիի քաղաքապետ Կախա Կալաձեի Ապրիլի 9-ի ողբերգության 33-րդ տարելիցի կապակցությամբ տարածած հայտարարության մեջ։

«Պատմության մեջ կան ամսաթվեր, որոնք մի կողմից մեզ հիշեցնում են ամենամեծ ողբերգությունը, մյուս կողմից՝ ազգային հպարտության հիմք են։ Նման ամսաթիվ է ապրիլի 9-ը՝ ցավոտ և ապագայի հույսով լի։ Ապրիլի 9-ից ապրիլի 9-ը Վրաստանը կատարեց ամենամեծ քայլը դեպի ազատություն: Դա զոհողություններով ու արյունահեղությամբ լի ճանապարհ էր, սակայն, հանուն գերագույն նպատակի՝ ազատության ու անկախության։

Ազատության համար պայքարը, որը սկսվել էր 1989 թվականի ապրիլի 9-ին, պսակվեց 1991 թվականի ապրիլի 9-ի պատմական ակտի ընդունմամբ»,- ասել է Կախա Կալաձեն։