Մայրաքաղաքի քաղաքապետ Կախա Կալաձեի խոսքով, հաճախակի են լինում դեպքեր, երբ նոր վերականգնված, բարեկարգ տարածքներում միտումնավոր վնասվում են կոնկրետ ենթակառուցվածքներ:

Նրա խոսքով, վերջին մի քանի օրերին հրապարակների և պուրակների լապտերները վնասում են, պաշտպանիչ ծածկոցները հանում ու գողանում են։ Կախա Կալաձեն կոչ է արել վանդալիզմ կատարողներին, որ դա ամենածանր հանցագործությունն է, նրանք վտանգի տակ են դնում քաղաքացիներին։

«Վանդալիզմի փաստերը շատ ցավալի են մեզ համար, ցավալի են քաղաքի համար։ Ցավոք սրտի, հաճախ փաստեր են արձանագրվում, երբ նոր վերականգնված, կարգավորված տարածքներում հատուկ ենթակառուցվածքը միտումնավոր վնասվում է: Վերջին օրերին հրապարակներում և այգիներում լապտերները վնասվել են, պաշտպանիչ ծածկիչները հանել, գողացել են։ Սա շատ վատ է բոլոր տեսակետներից, առաջին հերթին անվտանգության տեսանկյունից։ Իհարկե, այս փաստերը մեր կողմից միշտ էլ համապատասխան արձագանք են ունենում՝ վնասված գույքի վերականգնում, վերանորոգում, դասավորում, լուսասյուների գողացված գլխարկների տեղադրում, բայց ինքնին վանդալիզմի փաստը շատ վատ է։ Սա շատ մեծ խնդիր է, մեզ պետք է ձեր աջակցությունը և ձեր համագործակցությունը:

Առաջին հերթին ուզում եմ դիմել վանդալիստներին՝ ձեր արարքը ծանր հանցագործություն է։ Դրանով դուք վտանգի տակ եք դնում մեր համաքաղաքացիներին, նրանց անվտանգությունը և այգում գտնվող ցանկացած հանգստացողի։ Նաև կոչ եմ անում ձեզ՝ մեր քաղաքացիներին, չանտեսեք նման փաստերը, փաստաթղթավորեք և տրամադրեք մեզ յուրաքանչյուր նման դեպք։ Մեզ կարող եք զանգահարել քաղաքապետարանի կամ ձեր իսկ թաղապետարանի թեժ գծով, և մենք միշտ համապատասխան կերպով կարձագանքենք։

Ուզում եմ հանձնարարել վարչակազմերին մեծ ուշադրությամբ շարունակել մշտադիտարկումն ու վնասված տարածքների վերականգնումը։ Ինչպես նաև մեր քաղաքապետարանի համապատասխան ծառայությունները հնարավորինս կներգրավվեն։ Որպես մայրաքաղաքի քաղաքապետ, որպես այս քաղաքում ապրող մարդ, կուզենայի, որ նման փաստեր չգրանցվեին, բայց գործ ունենք տխուր իրականության հետ։ Համոզված եմ, որ ժամանակի ընթացքում մենք հասարակության հետ միասին կկարողանանք լուծել այս խնդիրը և արժանապատվորեն կպատասխանենք մարտահրավերին։

Վանդալիզմի մասին բոլոր ապացույցները հաղորդվում են համապատասխան գործակալությանը։ Ափսոս, որ վանդալիզմի հեղինակները հիմնականում անչափահասներ են, ինչը շատ վատ է։ Այն ամենը, ինչ արվում է, արվում է մեր, այս քաղաքում ապրող մարդկանց, մեր ապագա սերունդների, երեխաների, թոռների համար։ Կարծում եմ, որ պետք է ավելի զգույշ լինել և հոգ տանել դրա մասին։ Հիասթափեցնող է, երբ այսօր այն գեղեցկացնում են , իսկ վաղը և մյուս օրը այդ ամենը միտումնավոր վնասված է»,- ասել է Կախա Կալաձեն մայրաքաղաքի կառավարության նիստում։