Համապատասխան ծառայություններն ավելի լավ գիտեն, թե երբ և ինչպես պետք է իրականացվեր Սաակաշվիլիին ձերբակալելու հատուկ գործողությունը, այն իսկապես կատարյալ է իրականացվել, – ճեպազրույցի ժամանակ ասաց «Վրացական երազանքի» գլխավոր քարտուղար Կախա Կալաձեն:

Նրա խոսքով, Միխեիլ Սաակաշվիլին ամենալավ տեղում է եւ ստիպված կլինի պատասխան տալ երկրի եւ ժողովրդի առջեւ կատարած կոնկրետ հանցագործությունների համար:

«Սա հատուկ գործողություն էր, համապատասխան ծառայություններն ավելի լավ գիտեն, թե երբ և ինչպես պետք է իրականացվեր Սաակաշվիլիին ձերբակալելու հատուկ գործողությունը, այն իսկապես կատարյալ է իրականացվել: Շնորհակալություն Անվտանգության ծառայության և ներքին գործերի նախարարության աշխատակիցներին, քանի որ կարևոր հատուկ գործողությունը անցավ խաղաղ և հանգիստ: Գլխավոր քարտուղարը կարող է շատ բան իմանալ, կան հատուկ հատուկ գործողություններ, որոնց մասին ես իրավունք չունեմ խոսելու, բարձրաձայնելու: Ես կարող եմ որոշ բաներ իմանալ կամ չիմանալ: Հանգիստ եղեք: Ամենակարեւորն այն է, որ «Միացյալ ազգային շարժման» առաջնորդ, հանցագործ Միխեիլ Սաակաշվիլին գտնվում է Ռուսթավիի բանտում, որտեղ նա պետք է պատիժը կրի», – ասել է Կախա Կալաձեն: