Կախա Կալաձե. Ընդդիմությանը հրահանգում են անել այնպես, ինչպես այսօր են անում
Մայրաքաղաքի քաղաքապետ Կախա Կալաձեի խոսքով, ընդդիմության ներկայացուցիչները կատարում են իրենց առաջադրանքները և համապատասխան հայտարարություններ անում։ Այդ մասին նա խոսել է լրատվամիջոցների հետ։
Ինչպես նշել է Կախա Կալաձեն, չնայած ընդդիմության կոչերին, որ երկիրը միանա պատժամիջոցներին, Վրաստանի իշխանությունը չի գնա այնպիսի քայլերի, որոնք կվնասեն երկրին։
«Ընդդիմությունը ոչ իրեն է պատկանում, ոչ էլ իր երկրին։ Այդ մարդիկ միշտ փորձում են հետապնդել այլ երկրների շահերը։ Նրանց ուղղակի հանձնարարված է անել այս հայտարարությունները։ Նրանց հրահանգում են իրենց պահել այնպես, ինչպես այսօր։ Մենք չենք գնա այնպիսի քայլի, որն ի սկզբանե գիտենք, որ վնասակար կլինի մեր երկրի համար։ Եվրամիության երկրները, իհարկե, առեւտրային հարաբերություններ ունեն Ռուսաստանի Դաշնության հետ։ Պատժամիջոցներին միանալը, գիտենք, խնդիր է լինելու մեր տնտեսության համար։ Ինչո՞ւ պետք է մի բան անենք, որը մեզ վնաս կհասցնի»,- ասել է Թբիլիսիի քաղաքապետը։