Թբիլիսիի քաղաքապետ Կախա Կալաձեի խոսքով՝ «Քարթու» հիմնադրամի դեմ ուղղված բացասական արշավի հասցեատերը իրականում Բիձինա Իվանիշվիլին է։ Այս մասին լրագրողներին ասել է Կալաձեն՝ մեկնաբանելով հիմնադրամի մասին արված հայտարարությունները։

«Սա նորություն չէ։ Մենք վաղուց գիտեինք, թե ինչ վերաբերմունք կա։ Սա կեղտոտ արշավ է՝ ուղղված Բիձինա Իվանիշվիլիի դեմ, որն այսօր չսկսվեց։ Այդ ընթացքում մենք այնքան շատ սուտ ու կեղտ ենք լսում: Փորձում են ինչ-որ կերպ մոլորեցնել հանրությանը, ցեխ շպրտել այս մարդու վրա։ Բոլորդ էլ գիտեք, թե որքան կարևոր է «Քարթու» բարեգործական հիմնադրամը, քանի բարեգործական ծրագիր է իրականացրել, միլիարդավոր դոլարներ են ծախսվել տարբեր կարևոր ծրագրերի վրա ողջ երկրում։ Երբ դու հաջողակ ես և իրականացնում ես նման կարևոր բարեգործական ծրագրեր, իհարկե հարձակումներ են լինում քեզ վնասելու, հանրությանը ինչ-որ կերպ մոլորեցնելու համար, բայց ոչ մեկին ոչինչ չի ստացվի»,- ասել է Կալաձեն։