Թբիլիսիի քաղաքապետ Կախա Կալաձեի խոսքով, «Ազգային շարժումը» պետք է որոշի, թե արդյոք իրենք պաշտոնանկ կանեն նախագահին, թե ով է լինելու թեկնածուն, թեև ակնհայտ է, որ կուսակցությունում հակասություն կա։

Նրա խոսքով, «Ազգային շարժում»-ում հակասությունները վաղուց են սկսվել։

«Իրենց որոշելիքն է՝ կփոխարինեն Մելիային, թե ոչ։ Նրանք պետք է որոշեն, թե ով է լինելու թեկնածուն, թեև պարզ է, որ կոնֆլիկտ ունեն։ Դա ակնհայտ է և երեկ չի սկսվել: Հակասությունը վաղուց է շարունակվում, և կտեսնենք, թե ինչ և ինչպես կլինի»,- ասել է Կախա Կալաձեն։

«Ազգային շարժման» նախագահ Նիկա Մելիան երեկ երեկոյան ճեպազրույցում ասել է, որ պատրաստ է մասնակցել ընտրություններին։

Նրա խոսքով, կուսակցությունը քննարկում է մանրամասները, թե ինչպես և ինչ ձևով պետք է անցկացվեն ընտրությունները, այդ թվում՝ հապճեպ հայտարարություն արած մարդկանց մասնակցությունը։

Մինչ այդ «Ազգային շարժման» անդամ Իրակլի Նադիրաձեն ասել էր, որ «Ազգային շարժման» տարածաշրջանային առաջնորդների հետ միասին պահանջում են կուսակցության նախագահի նոր ընտրություններ անցկացնել։