Թբիլիսիի քաղաքապետ, «Վրացական երազանք» -ի գլխավոր քարտուղար Կախա Կալաձեն քվեարկել է Սաբուրթալոյի երրորդ տեղամասում։

Ինչպես քվեարկությունից հետո լրագրողներին ասել է Կալաձեն, այսօր շատ հեշտ է ընտրություն կատարել։

«Այսօրվա իրավիճակում ամենակարևորը խաղաղության պահպանումն է, առանց խաղաղության ոչինչ արժեք չունի։ Այսօր, երկարաժամկետ հեռանկարում, մեր երկրին առավել քան երբևէ պետք է խաղաղություն, խաղաղության պահպանում, որը բերում է տնտեսական զարգացում, առաջընթաց և վերածնունդ։ Երկրում միակ քաղաքական ուժը «Վրացական երազանք-Ժողովրդավարական Վրաստանն է, որը կարող է խաղաղություն պահպանել»։ Այսօր շատ հեշտ է ընտրություն կատարել։ Մի կողմում այն ​​ուժերն են, որոնք ուղղակիորեն մեզ կոչ են արել միանալ պատերազմին, սրանք այն ուժերն են, որոնք պատրաստ են ամեն տեսակ չարիք, կեղտ սանձազերծել ժողովրդի ու երկրի դեմ։ Մենք բազմիցս տեսել ենք նրանց գործողությունները, երբ նրանք իշխանության մեջ էին։ Այսօր նրանք կարող են ներկայացված լինել որպես տարբեր քաղաքական կուսակցություններ՝ հանրությանը մոլորեցնելու համար, սակայն, նայեք բոլորի անցյալին, ովքեր են, ինչ են ներկայացնում։ Ուստի հանրության համար դժվար չի լինի ընտրություն կատարել։ Եվս մեկ անգամ ուզում եմ բոլորին կոչ անել գունավորել 41-ը, որպեսզի յուրաքանչյուր քաղաքացի զգա երկրում խաղաղություն, տնտեսական զարգացում և բարգավաճում»,- ասել է Կալաձեն։