Մեր հայրենիքը վերամիավորելու համար խաղաղությունն ու զարգացումը այլընտրանք չունեն,- այս մասին մունիցիպալիտետի կառավարության նիստում ասել է Թբիլիսիի քաղաքապետ Կախա Կալաձեն։

Նրա խոսքով՝ խաղաղությունն ու աբխազների հետ միասին ապրելու հեռանկարն այլընտրանք չունի։

«Նորագույն պատմության ամենադժվար և ողբերգական ամսաթվերից մեկը Սոխումիի անկման օրն է։ Այս ամսաթիվը, իհարկե, նույնքան ցավալի է մեզանից յուրաքանչյուրի, յուրաքանչյուր վրացու համար։ Այս օրվան հաջորդեց մեր խաղաղ բնակիչների, մեր հերոս մարտիկների, տեղահանված բնակչության, բաժանված Վրաստանի ընդհատված կյանքը։ Ցանկանում եմ հարգանքի տուրք մատուցել տարածքային ամբողջականության համար զոհվածների հիշատակին և ուզում եմ ընդգծել, որ խաղաղությունն ու զարգացումը այլընտրանք չունեն, որպեսզի մեր հայրենիքը վերամիավորվի և բոլորս միասին կերտենք ավելի լավ ապագա։ Վստահ եմ, որ մենք կկարողանանք վերադառնալ միմյանց մոտ և միասին ապրել»,- ասել է Կախա Կալաձեն։