Կախա Կալաձե․ «Հատուկ օր է, քանի որ նշում ենք մեր քաղաքի օրը, բոլորիդ շնորհավորում եմ «Թբիլիսոբայի» առթիվ»
Թբիլիսիի քաղաքապետ Կախա Կալաձեն հանրությանը շնորհավորում է «Թբիլիսոբայի» առթիվ։ «Թբիլիսոբա» տոնակատարության շրջանակներում Կախա Կալաձեն փոխքաղաքապետ Գիորգի Տքեմալաձեի և տեղակալներ Իրակլի Բենդելիանիի ու Անդրիա Բասիլայայի հետ միասին այցելել է վերականգնված Օրբելիանիի հրապարակ, որտեղ շրջել է «Թբիլիսոբայի» շրջանակում կազմակերպված տոնական տարածքում և հանդիպել ձեռնարկատերերին։
«Ցանկանում եմ «Թբիլիսոբան» շնորհավորել մայրաքաղաքի բնակչությանը և ողջ Վրաստանին։ Հատուկ օր է, քանի որ նշում ենք մեր քաղաքի օրը։ Այս տարի բավականին լայնամասշտաբ միջոցառումներ են նախատեսված տարբեր վայրերում։ Տեսնում եք՝ որքան մարդ է դուրս եկել։ Եղանակն էլ նպաստեց մեզ, հաճելի մթնոլորտ է։ Շատ զբոսաշրջիկներ կան։ Շատ եմ ուրախանում, որ լավ տրամադրություն է, հաճելի իրավիճակ է ամենուր, անթիվ մարդիկ կան։ Բոլորիդ շնորհավորում եմ։ Հաջողություն եմ ցանկանում ողջ Վրաստանին, առաջին հերթին՝ խաղաղություն և ուրախություն չպակասի մեր երկրին», – հայտարարել է Թբիլիսիի քաղաքապետը։
«Թբիլիսոբայի» հետ կապված միջոցառումները մայրաքաղաքում ընթանում են արդեն երկու օր։ Երեկոյան նախատեսված է նաև «Պատվավոր թբիլիսեցիների» պարգևատրումը։