Ֆրանսիայի արտաքին գործերի նախարար Կատրին Կոլոնայի խոսքով՝ ժողովրդավարությունը, օրենքի գերակայությունը, մարդու իրավունքների հարգումը և լրատվամիջոցների ազատությունը որոշիչ գործոն կլինեն Եվրոպայի հետ ինտեգրման երկար ճանապարհին։

Այս մասին հասարակական կազմակերպությունների հետ հանդիպումից հետո լրագրողներին ասել է Կատրին Կոլոնան։

«Իմ երկրում եւ Եվրոպայում, Եվրամիությունում եւ նրա սահմաններից դուրս բոլորին մտահոգում էր այն, ինչ կատարվում էր խորհրդարանի նիստի ժամանակ։ Մենք տեսել ենք հանրահավաքներ, ցույցեր։ Մենք բացահայտ աջակցում էինք, որ դուք պաշտպանում եք ազատությունը, ժողովրդավարությունը։ Այսպիսով, արդյունքը լավ է: Նախագահ Էմանուել Մակրոնը նույնպես իր աջակցությունն է հայտնել շարժմանը, որը հատկապես երիտասարդների և Վրաստանի քաղաքացիների ինքնաբուխ շարժում էր։ Ինտեգրման գործընթացում, որը կարող է երկար ճանապարհ լինել, վճռորոշ գործոնները կլինեն ժողովրդավարությունը, օրենքի գերակայությունը, մարդու իրավունքների հարգումը և լրատվամիջոցների ազատությունը»,- ասել է Կատրին Կոլոնան։