Վրաստանում Եվրամիության դեսպան Կառլ Հարցելը և նրա կինը՝ Մետե Հարցելը, հրաժեշտի տեսաուղերձ են հեռարձակել Վրաստանի քաղաքացիներին։

«Եկել է ժամանակը, երբ մենք պետք է լքենք Վրաստանը չորս անմոռանալի տարիներից հետո։ Մենք շատ շնորհակալ ենք այս երկրում անցկացրած տարիների համար։ Արտասովոր ջերմություն ու բարություն էր, որ զգացինք Վրաստանի քաղաքացիներից, մարդկանցից, ում հանդիպեցինք Թբիլիսիում և Վրաստանի այլ վայրերում։ Շատ շնորհակալ եմ, Վրաստան, ամեն ինչի համար»,- տեսաուղերձում ասում է Մեթե Հարցելին։

ԵՄ դեսպան Կառլ Հարցելը նույնպես շնորհակալություն է հայտնում Վրաստանի քաղաքացիներին։ Նրա խոսքով, Վրաստանը յուրահատուկ երկիր է:

Ինչպես նշում է ԵՄ դեսպանը, անցյալ ամիս ԵՄ-ն հաստատեց, որ Վրաստանը եվրոպական հեռանկար ունի, և որ Վրաստանը եվրոպական ազգերի ընտանիքի անդամ է։

«Դուք հավանաբար գիտեիք, որ Վրաստանը եվրոպական երկիր է, ես դա գիտեի, և Վրաստանի շատ բարեկամներ գիտեին դա, բայց մենք չենք կարող չգնահատել այն փաստը, որ Եվրամիությունը պաշտոնապես ճանաչեց Վրաստանը որպես ապագա անդամ: Թեև առջևում շատ պայքար կա, բայց մենք հպարտ ենք այս պատմական պահի ականատեսը լինելու համար և հավատում ենք, որ Վրաստանը հաջողությամբ կօգտագործի այս պահի ստեղծած հնարավորությունները»,- տեսաուղերձում ասում է Կառլ Հարցելը։