Խաղաղ ցույցերը, որոնք մենք տեսանք Թբիլիսիում և այլուր, ևս մեկ կարևոր ժողովրդավարական գործիք է, որը հիշեցնում է բոլորին, թե ինչ եք ակնկալում քաղաքական գործիչներից,- ասել է Վրաստանում ԵՄ դեսպան Կառլ Հարցելը` ի պատասխան քաղաքացիների ուղարկած հարցերի:

Դեսպանի խոսքով, ինչպես ցույց են տվել մի քանի հարցումներ, բնակչության ավելի քան 80 տոկոսը պաշտպանում է Վրաստանի ռազմավարական եվրոպամետ ընտրությունը։

Բացի այդ, ըստ դեսպանի, «կարճաժամկետ հեռանկարում բոլոր ջանքերը պետք է ուղղվեն 12 առաջնահերթությունների հաջող իրականացմանը, ինչը բոլորի համար հեշտացնում է առաջընթացը չափելն ու դատել, թե որքան արդյունավետ են գործում քաղաքական առաջնորդները»:

«Պատասխանատու եւ ակտիվ քաղաքացի լինելու համար պետք է լավ տեղեկացված լինել։ Ուստի խորհուրդ եմ տալիս ներգրավված մնալ գործընթացում և փնտրել օբյեկտիվ տեղեկատվություն: Արդեն շատ ապատեղեկատվություն կա, բայց լավատեղյակ հասարակությանը չի կարելի խաբել։ Խաղաղ ցույցերը, որոնք մենք տեսել ենք Թբիլիսիում և այլուր, որտեղ սովորական քաղաքացիներն արտահայտում են իրենց ակնկալիքները իշխանությունից և քաղաքական վերնախավից, ևս մեկ կարևոր ժողովրդավարական գործիք է՝ հիշեցում բոլորին այն մասին, թե ինչ եք ակնկալում քաղաքական գործիչներից: Եվ վերջապես, չորս տարին մեկ դուք հնարավորություն ունեք ընտրություններում քվեարկել այն կուսակցությունների օգտին, որոնք, ձեր կարծիքով, ավելի լավ են արդարացնում ձեր ակնկալիքները»,- ասել է Հարցելը։