Վրաստանի վարչապետ Իրակլի Ղարիբաշվիլիի գլխավորությամբ կայացած Տնտեսական խորհրդի նիստի հիմնական թեմաներն են եղել երկնիշ տնտեսական աճը, արտահանման ավելացումը և զբոսաշրջության վերականգնման դինամիկայի ամրապնդումը։ Այս մասին տեղեկություն է տարածում կառավարության աշխատակազմի մամուլի ծառայությունը։

Նրանց տվյալներով՝ հանդիպման ընթացքում քննարկվել է երկրի տնտեսական իրավիճակը։

«Ընդգծվել է, որ երկնիշ տնտեսական աճի դինամիկան շարունակվում է, մասնավորապես, 2022 թվականի մայիսին տնտեսական աճը կազմել է 11,6%, իսկ հունվար-մայիսին միջին տնտեսական աճը որոշվել է 11,2%-ով։

Քննարկվել են նաև տնտեսական աճին նպաստող գործոնները, այդ թվում՝ տեղական արտահանման ուղղությամբ նկատվող դրական միտումները և զբոսաշրջության վերականգնման դինամիկայի ամրապնդումը։ Նշվել է, որ 2022 թվականի մայիսին արտահանումն աճել է 54,3%-ով, իսկ տեղական արտահանումը` 63,3%-ով։ Խոսելով զբոսաշրջության մասին՝ ընդգծվել է, որ հունվար-մայիսին ճանապարհորդությունից եկամուտների վերականգնման մակարդակը կազմում է 75,3%, և եկամուտը կազմել է 840,9 մլն ԱՄՆ դոլար։

Խոսելով զբոսաշրջության վերականգնման դինամիկայի մասին՝ նշվել է, որ այս տարվա հունիսին Վրաստան է այցելել 445 894 միջազգային զբոսաշրջիկ, իսկ 2021 թվականի հունիս ամսվա համեմատ աճը կազմում է 185,5%։ Ինչպես նաև 2022 թվականի 6 ամիսներին միջազգային զբոսաշրջային այցելությունների թիվը կազմել է 1 209 272, ինչը 186,3%-ով ավելի է նախորդ տարվա նույն ժամանակահատվածի համեմատ»,- ասվում է հայտարարության մեջ։

Նրանց հաղորդմամբ՝ կառավարության վարչակազմում տեղի ունեցած խորհրդակցությանը քննարկվել են նաև 2022 թվականի առաջին կիսամյակում բյուջեի կատարման ուղղությամբ նկատված դրական միտումները։

«Շեշտվեց, որ թե՛ ընդհանուր եկամուտների ցուցանիշը, թե՛ հարկային եկամուտները գերազանցվել են։ Ինչպես նաև միացյալ բյուջեով, գերակատարվել են պետական ​​բյուջեի եկամուտները, որոնց ծավալը կազմել է 9,1 մլրդ լարի։ Հատկապես նշվեց, որ բյուջեի համակցված դեֆիցիտը կազմել է ընդամենը 0,3%, ինչը ցույց է տալիս, որ ծրագրված հարկաբյուջետային կոնսոլիդացիան շարունակվում է, և մինչև տարեվերջ հնարավոր կլինի էապես նվազեցնել դրա տարեկան ցուցանիշը և ի սկզբանե կանխատեսված 4,4%-ի փոխարեն դրա տեմպը կնվազի մինչև 3,5 տոկոս»,- նշված է տարածված տեղեկատվության մեջ։