Վրաստանի կառավարության վարչակազմը հաստատում է, որ վարչապետ Իրակլի Ղարիբաշվիլին մասնակցելու է Հունգարիայում Պահպանողական քաղաքական գործողությունների համաժողովին (CPAC):

Համաժողովի կազմակերպիչների կայքում որպես բանախոսներից մեկը նշված է Իրակլի Ղարիբաշվիլին։

Համաժողովը (CPAC) տեղի կունենա Բուդապեշտում մայիսի 4-5-ը։ Կազմակերպիչների կայքում տեղադրված տեղեկատվության համաձայն, համաժողովի հիմնական զեկուցողը կլինի Հունգարիայի վարչապետ Վիկտոր Օրբանը։ «Մենք միասին ենք»՝ սա է այս տարի Հունգարիայում նախատեսված պահպանողականների համաժողովի կարգախոսը։

Ամերիկյան պահպանողական միության կողմից կազմակերպված Պահպանողական քաղաքական գործողությունների համաժողովը անցկացվում է 1970-ականներից։ Հունգարիայի մայրաքաղաքում այս միջոցառումն անցկացվել է նաև անցյալ տարի։

Վրաստանում Հունգարիայի դեսպան Անա Մարիա Շիկոն այսօր մեկնաբանել է վարչապետ Իրակլի Ղարիբաշվիլիին համաժողովին հրավիրելու հարցը, ով նշել է. «Պահպանողական համաժողովի կազմակերպիչները հրավեր են ուղարկել վարչապետ Ղարիբաշվիլիին, քանի որ այն քաղաքական լայն հարթակ է»: