Կառավարության վարչակազմ. Իրակլի Ղարիբաշվիլին Նիկոլ Փաշինյանի հետ հեռախոսազրույցում ևս մեկ անգամ հաստատել է Վրաստանի պատրաստակամությունը՝ ակտիվ միջնորդություն իրականացնել տարածաշրջանում խաղաղության հաստատման համար
Վրաստանի վարչապետ Իրակլի Ղարիբաշվիլին և Հայաստանի Հանրապետության վարչապետ Նիկոլ Փաշինյանը հեռախոսազրույց են ունեցել։
Զրույցը տեղի է ունեցել Հայաստանի Հանրապետության վարչապետ Նիկոլ Փաշինյանի նախաձեռնությամբ։ Նիկոլ Փաշինյանը Իրակլի Ղարիբաշվիլիին տեղեկացրել է Ադրբեջանի Հանրապետության և Հայաստանի Հանրապետության միջև հերթական ռազմական էսկալացիայի և առճակատման արդյունքում ստեղծված իրավիճակի մասին։
Իրակլի Ղարիբաշվիլին հույս է հայտնել, որ կողմերը կվերադառնան բանակցությունների սեղանի շուրջ, և իրավիճակը կկարգավորվի խաղաղ ճանապարհով։
Վրաստանի վարչապետը ևս մեկ անգամ հաստատել է Վրաստանի պատրաստակամությունը՝ ակտիվ միջնորդություն իրականացնել տարածաշրջանում դեէսկալացիայի և խաղաղության համար։
Տեղեկությունը տարածում է Վրաստանի կառավարության վարչակազմը։