Կառավարության նիստում կհաստատենք համապատասխան հրամանագիրը, որի շրջանակներում 2400 տեղահանված ընտանիք բնակարան կստանա Թբիլիսիում, նրանց համար կկառուցվեն նոր բնակարաններ, 1700 ընտանիք կվերաբնակեցվի Զուգդիդիում, 720 ընտանիք՝ Քութաիսիում,- այս մասին կառավարության նիստում ասել է Վրաստանի վարչապետ Իրակլի Ղարիբաշվիլին։

Վարչապետի խոսքով՝ մինչև 2025 թվականը մինչև 13 հազար ընտանիք նոր բնակելի տարածքներ կստանա։

«Իմ նոր նախաձեռնության շրջանակներում, որը վերաբերում էր ապառիկ շինարարությանը, մենք այսօր կառավարության նիստում առաջ ենք քաշում Զուրաբ Ազարաշվիլիի պատրաստած հարցը, որը վերաբերում է հարկադիր վերաբնակների համար տների շինարարությանը։ Մենք պարտավորություն ենք վերցրել 13000 ընտանիքի առջև և այսօր կառավարության նիստում կհաստատենք համապատասխան հրամանագիրը, որի շրջանակներում Թբիլիսիում տեղահանված 2400 ընտանիք բնակարան կստանա, նրանց համար կկառուցվեն նոր բնակարաններ։ 1700 ընտանիք կվերաբնակեցվի Զուգդիդիում, իսկ 720-ը՝ Քութայիսիում։ Ընդհանուր առմամբ մինչև 2025 թվականը մինչև 13000 ընտանիք կստանա նոր բնակելի տարածքներ, բնակարաններ և տներ։ 7000 ընտանիք բնակարան կստանա նորակառույց շենքերում, իսկ մնացած 6000 ընտանիքները կտեղավորվեն գյուղական բնակավայրերում՝ տնային ծրագրի շրջանակներում։ Մեր պարտավորությունն է արժանապատիվ պայմաններ ստեղծել մեր տեղահանվածների համար, մինչև նրանք վերադառնան Աբխազիա և Սամաչաբլո, սա մեր պարտականությունն է։ Ինչպես գիտեք, վերջին 10 տարում հազարավոր ընտանիքների բնակարաններ ու տներ ենք տվել»,- ասել է վարչապետը։