Կառավարության նիստում մեկ րոպե լռությամբ հարգել են Շովիում աղետի հետևանքով զոհվածների հիշատակը

Կառավարության նիստում մեկ րոպե լռությամբ հարգել են Շովիում աղետի հետևանքով զոհվածների հիշատակը։

Վարչապետ Իրակլի Ղարիբաշվիլին ևս մեկ անգամ իր ցավակցությունն է հայտնել Շովիում տեղի ունեցած ողբերգության հետևանքով զոհվածների ընտանիքներին և հարազատներին։

«Ուզում եմ ևս մեկ անգամ իմ ցավակցությունը հայտնել Շովում զոհվածների ընտանիքներին, նրանց հարազատներին, բարեկամներին , ողջ երկրին, հասարակությանը։ Շովի»ում իսկապես սարսափելի ողբերգություն է տեղի ունեցել, որը խլել է մեր քաղաքացիներից շատերի կյանքը։ Խնդրում եմ նախարարներին մեկ րոպե լռությամբ հարգել հանգուցյալների հիշատակը։

Եվս մեկ անգամ իմ և կառավարության անունից ցանկանում եմ իմ խորին վիշտը հայտնել։ Շովում տեղի ունեցած այս սարսափելի ողբերգությունը ցնցեց ողջ Վրաստանին։ Ուստի՝ ևս մեկ անգամ ցանկանում եմ մեր ցավակցությունը հայտնել ընտանիքներին։ Շատ դժվար փորձություն է ողջ երկրի համար։ Կառավարությունն առաջին իսկ րոպեից ներգրավվեց: Ինչպես գիտեք, աշխատանքում ներգրավված են եղել մեր հերոս փրկարարները, մոտ 400 փրկարար։ Աղետի գոտուց անվնաս դուրս են բերվել մեր 210 համաքաղաքացի: Նաև ուզում եմ ձեզ ասել, որ մեր հերոս զինվորները ներգրավված են եղել այս աշխատանքներում՝ օգնելով մեր հպարտ, հերոս փրկարարներին։ Ամբողջական մոբիլիզացիա արվեց մեր կողմից։ Բժիշկները տեղում էին։ Տեղում մոբիլիզացված է ավելի քան 100 հատուկ տեխնիկա։ Իրակլի Կարսելաձեն անձամբ է ղեկավարել այդ աշխատանքները, մենք՝ բոլորս մոբիլիզացվել ենք տեղում։ Եվս մեկ անգամ ուզում եմ ասել, որ սա ծանր դատավարություն է բոլորիս համար, ևս մեկ անգամ իմ ցավակցությունն եմ հայտնում մահացածների ընտանիքներին», – ասել է Իրակլի Ղարիբաշվիլին։