Կառավարության կառուցվածքում փոփոխությունների նախագիծը երկրորդ ընթերցմամբ կքննարկվի խորհրդարանի լիագումար նիստին
Կառավարության կառուցվածքում նախատեսվող փոփոխությունների նախագիծը երկրորդ ընթերցմամբ կքննարկվի այսօր խորհրդարանի լիագումար նիստին:
Կառավարության նախաձեռնած նախագծի համաձայն, կրթության, գիտության, մշակույթի և սպորտի նախարարությունը բաժանված է երկու պետական գերատեսչությունների՝ կրթության և գիտության և մշակույթի, սպորտի և երիտասարդության նախարարություններ:
Ըստ խորհրդարանի կրթության, գիտության եւ մշակույթի կոմիտեի նախագահի տեղակալ Գիորգի Ամիլախվրիի մեկնաբանմամբ, մշակույթը «Վրացական երազանքի» համար ամենակարևոր գերակայություններից մեկն է, և փոփոխություններն ուղղված են ոլորտի առավել արդյունավետ կառավարմանը:
«Երկու նախարարություն կստեղծվի մի կողմից՝ մշակույթի, սպորտի ու երիտասարդության, մյուս կողմից՝ կրթության ու գիտության: Մենք դա համարում ենք կարևոր քայլ, քանի որ երկուսն էլ շատ գերակա ոլորտներ են, ուստի բարեփոխումներն ավելի արագ իրականացնելու, ավելի արդյունավետ կառավարում հաստատելու համար որոշում է կայացվել առանձնացնել մշակույթը կրթությունից և գիտությունից», – ասաց Գիորգի Ամիլախվարին:
Լիագումար նիստում կքննարկվեն նաև խորհրդարանի կանոնակարգում փոփոխություններ կատարելու մասին, որոնք նախատեսում են մշակույթի ոլորտի տարանջատում կրթության, գիտության և մշակույթի կոմիտեի կազմից և նոր խորհրդարանական կոմիտեի՝ մշակույթի կոմիտեի ստեղծում: