Հաղորդակցության հանձնաժողովի 2023 թվականի հաշվետվության համաձայն՝ 2022 թվականի համեմատ բջջային օպերատորների մանրածախ ծառայություններից ստացված հասույթն աճել է 92 մլն լարիով և կազմել 788 մլն լարի, որից 49%-ը՝ Մագտիկոմը, 35%-ը՝ Սիլքնեթը , իսկ 16%-ը՝ Սելֆի Մոբիլն են բերել։ Այս մասին տեղեկությունը տարածում է կապի հանձնաժողովը։

Հանձնաժողովի տվյալներով՝ Մագտիկոմը բջջային կապի ծառայություններից նախորդ տարվա համեմատ ստացել է 42 մլն լարիով ավելի և կազմել 385 մլն լարի։ Սիլքնեթի եկամուտն աճել է 35 միլիոնով և կազմել 275 միլիոն։ Սելֆի Մոբիլը 2022 թվականի համեմատ 14 մլն լարիով ավելի է ստացել, իսկ ընդհանուր եկամուտը հասել է 127 մլն լարիի։

«2023 թվականի տվյալներով մեկ բաժանորդից (ARPU) ամսական միջին եկամուտը նախորդ տարվա համեմատ աճել է 8%-ով և կազմել 12,8 լարի։ Օպերատորների մասով 2023 թվականին Մագտիկոմի (ARPU) ցուցանիշն աճել է 0,5 լարիով և դարձել 14,6 լարի։ Սիլքնեթի համար նույն ցուցանիշը 2022 թվականի համեմատ աճել է 1,2 լարիով և կազմել 13,3 լարի։ Ինչ վերաբերում է Սելֆի Մոբիլին, ապա դրա ARPU-ն նույնպես աճել է 1,2 լարիով և կազմել 8,9 լարի։ «Հալո»-ի դեպքում այն ​​աճել է 1,5 լարիով և կազմել 8,5»,- նշվում է տեղեկատվության մեջ։