Միացյալ Նահանգների փոխնախագահ Քամալա Հարիսը արձագանքել է ՀԱՄԱՍ-ի առաջնորդ Յահյա Սինվարի սպանությանը և նշել, որ «ամերիկացիների արյունը նրա ձեռքերին է եղել»։

«Իսրայելն ունի ինքնապաշտպանության իրավունք, ՀԱՄԱՍ-ի սպառնալիքն այլեւս չպետք է գոյություն ունենա Իսրայելի համար։ Այսօր այս նպատակին հասնելու հստակ առաջընթաց կա։ «Համասը» ոչնչացվել է, իսկ նրա առաջնորդները՝ ոչնչացվել»,- լրագրողներին ասել է Հարիսը։

Սակայն, ըստ ԱՄՆ փոխնախագահի, այս պահը հնարավորություն է տալիս վերջնականապես վերջ դնել Գազայի պատերազմը։

«Դա պետք է ավարտվի, որպեսզի Իսրայելը պաշտպանվի, պատանդներն ազատվեն, Գազայում ավարտվեն տառապանքները, և պաղեստինցի ժողովուրդը կարողանա իրացնել արժանապատվության, անվտանգության, ազատության և ինքնորոշման իր իրավունքը», – ասել է Հարիսը: