ՆԱՏՕ-ի պաշտպանության մինիստերիալի շրջանակներում Վրաստանի պաշտպանության նախարար Ջուանշեր Բուրճուլաձեն հանդիպել է Շվեդիայի պաշտպանության նախարար Պիտեր Հուլթքվիստի հետ։

Հանդիպմանը քննարկվել են պաշտպանության ոլորտում երկու երկրների համագործակցության հարցերը և հարաբերությունների հետագա անելիքները։

Ջուանշեր Բուրճուլաձեն շնորհակալություն է հայտնել Պիտեր Հուլթքվիստին՝ գերատեսչությունների միջև օրինակելի գործընկերության համար։

Վրաստանի պաշտպանության նախարարը հատուկ ուշադրություն է դարձրել տոտալ պաշտպանության, ռեզերվի և կենտրոնացման ոլորտներում հաջող գործընկերության ու ապագա հեռանկարների վրա:

Նշվել է, որ ռազմավարական մակարդակով այցերը էապես նպաստում են երկու երկրների պաշտպանության և անվտանգության ոլորտում համագործակցության զարգացմանը։ Պիտեր Հուլթքվիստը հաստատել է ապրիլին պաշտոնական այցով Վրաստան այցելելու իր պատրաստակամությունը։

Հանդիպմանն ընդգծվել է Վրաստանի տարածքային ամբողջականության և ինքնիշխանության, ինչպես նաև Շվեդիայի աջակցությունը եվրատլանտյան տարածքում։

Բանակցությունները կենտրոնացել են նաև Վրաստանի առաջընթացի և հեռանկարների վրա ՆԱՏՕ-ին և Եվրամիությանը անդամակցելու ճանապարհին: Առանձնահատուկ տեղ է հատկացվել երկկողմ և բազմակողմ ձևաչափերով համագործակցության զարգացման և խորացման անհրաժեշտությանը։