Վրաստանի պաշտպանության նախարար Ջուանշեր Բուրճուլաձեն պաշտպանության նախարարությունում հյուրընկալել է Վրաստանում ԱՄՆ նորանշանակ արտակարգ և լիազոր դեսպան Ռոբին Դաննիգանին։
Նախարարը շնորհավորել է դեսպանին Վրաստանում դիվանագիտական առաքելության մեկնարկի կապակցությամբ և մաղթել հաջողություններ։ Հանդիպման սկզբում ընդգծվել է Վրաստանի և ԱՄՆ-ի միջև 30-ամյա ռազմավարական գործընկերությունը։ Ուշադրությունը կենտրոնացած էր միջազգային գործողություններում կողք կողքի կռվող վրացի և ամերիկացի զինվորների փորձի վրա։
Կողմերը խոսել են Վրաստանի պաշտպանունակության և զսպման կարողությունների ամրապնդման նախաձեռնության իրականացման ընթացքի մասին, ինչը դրական է գնահատվել ամերիկյան կողմից։ Նշվել է ամերիկա-վրացական բազմազգ զորավարժությունների դրական դինամիկան, ինչը բարձրացնում է պաշտպանության ուժերի պրոֆեսիոնալիզմի և փոխգործունակության մակարդակը։ Զրույցի ընթացքում շոշափվել են նաև ԱՄՆ-Վրաստան երկկողմ համագործակցության ուղղությունները։
Պաշտպանության նախարարն իր երախտագիտությունը հայտնեց Միացյալ Նահանգների կառավարությանը և ամերիկացի ժողովրդին՝ պաշտպանական ուժերին աջակցելու համար ցուցաբերվող օգնության համար և հույս հայտնեց, որ ապագայում երկրների միջև պաշտպանական գործընկերությունն ավելի կամրապնդվի։
Տեղեկությունը տարածում է Վրաստանի պաշտպանության նախարարությունը։