Բրյուսել կատարած այցի ընթացքում Վրաստանի պաշտպանության նախարար Ջուանշեր Բուրճուլաձեն հանդիպել է ՆԱՏՕ-ի գլխավոր քարտուղար Ենս Ստոլտենբերգի հետ։ Հանդիպումը կայացել է ՆԱՏՕ-ի կենտրոնակայանում, որտեղ անցկացվում է պաշտպանության մինիստերիալը։

Պաշտպանության նախարարության հաղորդագրության համաձայն՝ հանդիպմանը ՆԱՏՕ-ի գլխավոր քարտուղարը վերահաստատել է իր ամուր աջակցությունը Վրաստանի անկախությանը, ինքնիշխանությանը և տարածքային ամբողջականությանը։

«Պաշտպանության քարտուղարը շնորհակալություն է հայտնել գլխավոր քարտուղարին աջակցության համար և ողջունել ՆԱՏՕ-ի ամուր դիրքորոշումը Դաշինքի բաց դռների քաղաքականության վերաբերյալ։

Կողմերը քննարկել են անվտանգության ընդհանուր մարտահրավերները և Ռուսաստանի կողմից ապագա սպառնալիքները։ Նախարարը խոսեց տարածաշրջանում աճող մարտահրավերների ֆոնին ՆԱՏՕ-ի ուժեղացված ներգրավվածության կարևորության մասին։

Հանդիպմանը քննարկվել են ՆԱՏՕ-Վրաստան համագործակցության խորացման հեռանկարները և պաշտպանության նախարարության կողմից իրականացվող բարեփոխումները, որոնք միտված են ՆԱՏՕ-ի հետ համատեղելիության բարձրացմանը։ Ուշադրության կենտրոնում են եղել ՆԱՏՕ-Վրաստան համատեղ միջազգային զորավարժությունները, որոնք արդեն երրորդ անգամ կանցկացվեն Վրաստանում այս տարվա գարնանը։

Հանդիպմանը դրական է գնահատվել պաշտպանության ոլորտում Վրաստանի կողմից իրականացվող բարեփոխումները, պաշտպանական ուժերի համատեղելիության մակարդակը և վրացի զինվորականների պրոֆեսիոնալիզմը»,- ասված է հաղորդագրությունում։