Ջուանշեր Բուրճուլաձե - Միխեիլ Սաակաշվիլիի չարտերային թռիչքների ֆինանսավորման հետ կապված՝ պաշտպանության նախարարությունում տեղի է ունեցել համապատասխան հանձնաժողովի նիստ, և որոշում է կայացվել փաստաթղթերը հրապարակել
Նախկին նախագահի չարտերային թռիչքների ֆինանսավորման հետ կապված այսօր Պաշտպանության նախարարությունում տեղի է ունեցել համապատասխան հանձնաժողովի նիստ։ Փաստաթղթերը հրապարակելու որոշումն ընդունվել է,- ասել է Վրաստանի պաշտպանության նախարար Ջուանշեր Բուրճուլաձեն։
Նրա խոսքով, համապատասխան ստորաբաժանումը միաժամանակ քննչական աշխատանքներ է տանում, և դատախազության հետ միասին որոշում կկայացվի, թե ինչպես կշարունակվի գործը։
«Այն, որ նախագահի չարտերային թռիչքները ֆինանսավորել է ՊՆ-ն, ստացել է հույժ գաղտնի կարգավիճակ, թե ովքեր են եղել ուղեկցող անձինք, ինչ վայրերում են իրականացվել թռիչքները, այս ամենը բարդ ձևով մեծ կասկած է հարուցում։ Համապատասխան ստորաբաժանումը միաժամանակ քննչական աշխատանք է տանում, և դատախազության հետ միասին որոշում կկայացվի, թե ինչպես է գործի ընթացքը։ Հանրության բարձր հետաքրքրության շնորհիվ բոլոր մանրամասները աստիճանաբար կդառնան հրապարակային, հանրությանը հայտնի, թե ինչ միջոցներ են ծախսվել, ինչի համար են ծախսվել և ով է ծախսել պետական միջոցները անձնական կամ այլ նպատակների համար»,- ասել է Ջուանշեր Բուրճուլաձեն։
