Ըստ Վրաստանի պաշտպանության նախարար Ջուանշեր Բուրճուլաձեի, ԱՄՆ պաշտպանության քարտուղարի այցը ևս մեկ անգամ ընդգծում է ԱՄՆ-ի և Վրաստանի ռազմավարական հարաբերությունները և դրա կարևորությունը:

Նրա խոսքով, այցը տարածաշրջանային ուղերձ է, որ ԱՄՆ-Վրաստան ռազմավարական գործընկերներ են և կողք կողքի են:

«ԱՄՆ պաշտպանության քարտուղարի այցը Վրաստան, իհարկե, մեկ անգամ եւս ընդգծում է ԱՄՆ-ի եւ Վրաստանի ռազմավարական հարաբերությունները եւ մեր կարեւորությունը: Սա արձագանք է այն քաղաքականությանը, որը վարում է մեր գործադիր իշխանությունը՝ վարչապետի գլխավորությամբ: Երկրորդ, սա ոչ միայն ուղերձ է Վրաստանին և Վրաստանի ժողովրդին, այլ տարածաշրջանային ուղերձ է, որ մենք ռազմավարական գործընկերներ ենք և կողք կողքի ենք ինչպես Աֆղանստանում, այնպես էլ մեր տարածաշրջանում», – ասաց Ջուանշեր Բուրճուլաձեն: