Ջոզեֆ Բորելը ԵՄ երկրներին առաջարկել է ռուսական սառեցված ակտիվներից ստացված եկամուտների 90 տոկոսն օգտագործել Ուկրաինայի համար զենք գնելու համար
Ըստ ԵՄ արտաքին գործերի և անվտանգության քաղաքականության գերագույն ներկայացուցիչ Ջոզեֆ Բորելի, ԵՄ երկրներին կառաջարկվի օգտագործել ռուսական սառեցված ակտիվներից ստացված եկամուտների 90 տոկոսը Խաղաղության եվրոպական հիմնադրամի միջոցով՝ Ուկրաինայի համար զենք գնելու համար։
Այս մասին հայտնում է Reuters-ը։
Բորելի խոսքով՝ մնացած 10 տոկոսը կփոխանցվի ԵՄ բյուջե եւ կօգտագործվի Ուկրաինայի պաշտպանական արդյունաբերության հզորացման համար։
Ինչպես ասում է ԵՄ արտաքին գործողությունների ծառայության ղեկավարը, այս մասին վաղը կտեղեկացնի անդամ երկրներին։
«Վաղը կներկայացվի կոնկրետ առաջարկ։ Անդամ երկրները պետք է պայմանավորվեն այս հարցում»,- ասել է Ջոզեֆ Բորելը։