ԵՄ արտաքին և անվտանգության հարցերով գերագույն հանձնակատար Ջոզեֆ Բորելի հայտարարության համաձայն՝ Լյուքսեմբուրգում ԵՄ ԱԳ նախարարների հանդիպմանը քննարկվել է Վրաստանում տիրող իրավիճակը։

Բորելիի խոսքով՝ «արտգործնախարարներն իրենց մտահոգությունն են հայտնել Վրաստանում արտաքին ազդեցության թափանցիկության մասին օրենքի վերաբերյալ»։

«Այս օրենքը ներկայացվել է խորհրդարան, եւ կառավարությունը պարտավորվել է հետ վերցնել այս օրինագիծը, այլ ոչ թե նորից ներկայացնել։ Սա չարվեց։ Հանձնակատար Վարհեյը և ես անցյալ շաբաթ հայտարարություն տարածեցինք՝ շեշտելով, որ այս օրենքը անհամատեղելի է ԵՄ արժեքների հետ։ Եվրահանձնաժողովը պետք է բանավոր զեկույց ներկայացնի այս իրադարձության վերաբերյալ, սակայն մեզ շատ է մտահոգում այն ​​փաստը, որ այս օրենքը կրկին ներկայացվել է խորհրդարան»,- հանդիպումից հետո կայացած մամուլի ասուլիսում ասաց Ջոզեֆ Բորելը։