«Մենք սկսել ենք դիտարկել Եվրամիության ամենահարմար արձագանքը օրենքի կիրառման դեպքում և որոշումներ կայացնել հունիսին հաջորդ արտգործնախարարության համար»,- ասել է Եվրամիության արտաքին գործերի և անվտանգության քաղաքականության գերագույն ներկայացուցիչ Ջոզեֆ Բորելը Օտարերկրյա ազդեցության թափանցիկության մասին օրենքի վերաբերյալ։

Բորելի խոսքով՝ ինքը կցանկանար, որ անդամ երկրները պատրաստ լինեն որոշումներ կայացնել, երբ կա մի բան, որը չի համապատասխանում ԵՄ արժեքներին, չի համապատասխանում միջազգային օրենսդրությանը, չի գնում եվրոպական ճանապարհով ոչ միայն Վրաստանում, այլև ամենուր աշխարհում։

«Մենք խոսել ենք առաջիկա ընտրությունների մասին։ Վրաց ժողովուրդը պետք է քվեարկի իր երկրի հետագծի վերաբերյալ, և կառավարության գործողությունները, ի վերջո, կարող են ազդել Եվրամիության ինտեգրման արդյունքում ստացած օգուտների վրա, սակայն որոշումը կայացված չէ»,- ասել է Ջոզեֆ Բորելը։

Այսօր Բրյուսելում տեղի է ունեցել Եվրամիության ԱԳ նախարարների հանդիպումը, որտեղ, ի թիվս այլ հարցերի, քննարկվել է Վրաստանի հարցը։