Ջոզեֆ Բորել. Մենք քննարկումներ ունեցանք թափանցիկության մասին օրենքի շուրջ, որոշ երկրներ կարծում էին, որ դա այդքան էլ կարևոր չէ, մյուսները իրավացիորեն կարծում էին, որ օրենքը հակասում է Եվրամիության նորմերին
Մտքերի փոխանակում ունեցանք Վրաստանում «Օտարերկրյա ազդեցության թափանցիկության օրենքի» շուրջ տեղի ունեցող զարգացումների շուրջ։ Որոշ անդամ երկրներ համարեցին, որ դա այնքան էլ կարևոր չէ, մյուսները իրավացիորեն համարեցին, որ այս օրենքը հակասում է Եվրամիության նորմերին և արժեքներին, ասել է Եվրոպական միության գերագույն հանձնակատար Ջոզեֆ Բորելը։
Նրա խոսքով, «սկսվել է օրենքի կիրառման դեպքում Եվրամիության ամենահարմար արձագանքի քննարկումը»։
«Նշվեց Վենետիկի հանձնաժողովի եզրակացությունը, և Վենետիկի հանձնաժողովի եզրակացության համաձայն՝ մենք իշխանություններին կոչ ենք անում չեղարկել այս օրենքը։ Մենք սկսել ենք դիտարկել Եվրամիության ամենահարմար արձագանքը օրենքի ընդունման դեպքում և որոշումներ կայացնել հունիսին կայանալիք արտգործնախարարների հաջորդ հանդիպման համար։ Ես կցանկանայի, որ անդամները պատրաստ լինեն որոշումներ կայացնել, երբ կա մի բան, որը չի համապատասխանում մեր արժեքներին, չի համապատասխանում միջազգային օրենսդրությանը, չի գնում եվրոպական ճանապարհով, ոչ միայն Վրաստանում, այլ ամենուր աշխարհում։ Խոսեցինք առաջիկա ընտրությունների մասին։ Վրացի ժողովուրդը պետք է քվեարկի իր երկրի հետագծի վերաբերյալ, և կառավարության գործողությունները, ի վերջո, կարող են ազդել Եվրամիությանը ինտեգրվելու արդյունքում նրանց ստացած օգուտների վրա, սակայն որոշում չի կայացվել»,- ասել է Բորելը։
Բրյուսելում կայացել է Եվրամիության անդամ երկրների արտգործնախարարների հանդիպումը, որտեղ քննարկվել է նաև Վրաստանի հարցը։
