Սպիտակ տան ազգային անվտանգության խորհրդի ռազմավարական հաղորդակցությունների համակարգող Ջոն Քիրբին հայտարարում է, որ եթե ԱՄՆ-ը դադարի աջակցել Ուկրաինային, իսկ Պուտինը ընդունի Ուկրաինային, ապա ամերիկացիները ստիպված կլինեն դրա համար վճարել իրենց արյունով։

Ինչպես լրագրողների հետ ճեպազրույցում ասաց Ջոն Քիրբին, ուկրաինական պատերազմում հաղթանակին իր աջակցությունը բխում է ԱՄՆ-ի և եվրոպացի դաշնակիցների ազգային անվտանգության շահերից, քանի որ հակառակ դեպքում Ռուսաստանը կհայտնվի ՆԱՏՕ-ի շեմին, և հնարավոր է, որ անհրաժեշտ լինի գործարկել դաշինքի կանոնադրության հինգերորդ հոդվածը։

«Ուկրաինայից մեր երես թեքելը մեծ նվեր կլինի Վլադիմիր Պուտինի համար։ Նա դրա հույսն ունի։ Իրադարձությունների նման զարգացում նա հույս ուներ դեռ այս պատերազմի սկզբից, քանի որ չէր հավատում, որ Արեւմուտքը կկարողանա պահպանել միասնությունը։ Նա չէր հավատում, որ ՆԱՏՕ-ն կկարողանա միասնական մնալ։ Նա չէր հավատում, որ ԱՄՆ-ն կկարողանա դիմանալ… Եթե մեր ազգային անվտանգությունը մտահոգում է ձեզ, դուք պետք է տեսնեք պարոն Պուտինին այնպիսին, ինչպիսին նա կա, դուք պետք է տեսնեք Ռուսաստանն այնպիսին, ինչպիսին որ կա, և գիտակցեք, որ Ուկրաինային օգնելը բխում է մեր ազգային անվտանգության և Եվրոպայում մեր բոլոր դաշնակիցների ազգային անվտանգության շահերից», – ասաց Ջոն Քիրբին: