Ջո Բայդենն ասում է, որ որոշել է, թե ինչպես արձագանքել Հորդանանում անօդաչու թռչող սարքի հարձակմանը, որը սպանեց ամերիկացի զինվորներին
ԱՄՆ նախագահ Ջո Բայդենի խոսքով՝ ինքը որոշել է, թե ինչպես արձագանքել Հորդանանում անօդաչու թռչող սարքի հարձակմանը, որի հետևանքով ամերիկացի զինվորներ են զոհվել։
Ինչպես գրում է լրատվամիջոցը, լրագրողների հետ զրույցում Բայդենը չի հստակեցրել, թե ինչ որոշում է կայացրել Սպիտակ տան գլխավոր խորհրդականների հետ խորհրդակցելուց հետո։
ԱՄՆ նախագահն արձագանքել է նաև պաշտոնյաների հայտարարություններին՝ նշելով, որ ԱՄՆ-ին պետք չէ ավելի լայն պատերազմ Մերձավոր Արևելքում և չի ցանկանում պատերազմ Իրանի հետ։
«Չեմ կարծում, որ մեզ պետք է ավելի լայն պատերազմ Մերձավոր Արևելքում: Սա այն չէ, ինչ ես փնտրում եմ»,- ասել է Բայդենը։
Լրագրողի այն հարցին, թե արդյոք Իրանն է պատասխանատու հարձակման համար, Ջո Բայդենն ասել է, որ ինքը պատասխանատու է համարում Իրանին այն առումով, որ նրանք զենք են տրամադրել հարձակումն իրականացնողներին։
Հորդանանում անօդաչու թռչող սարքերի հարձակման արդյունքում երեք ամերիկացի զինվոր է զոհվել, առնվազն 34-ը՝ վիրավորվել։ Իրանը հերքում է ամերիկյան ռազմակայանի վրա հարձակմանն առնչություն ունենալը։