ԱՄՆ նախագահ Ջո Բայդենը քննադատել է Չինաստանին՝ համաշխարհային հետաքննության ընթացքում կորոնավիրուսի ծագման մասին տեղեկատվություն չփոխանակելու համար:

Ինչպես ասել է Ջո Բայդենը կորոնավիրուսի ծագման մասին ամերիկյան հետախուզության զեկույցի հրապարակումից հետո, վիրուսի ծագման մասին կարևոր տեղեկությունները գտնվում են Չինաստանում, որը հետաքննության սկզբից արգելափակել է դրա հասանելիությունը:

«Աշխարհն արժանի է պատասխանների, և ես չեմ հանգստանա, մինչև չստանանք դրանք: Պատասխանատու երկրները չեն խուսափում նման պարտավորություններից մնացած աշխարհի նկատմամբ: Համաճարակը միջազգային սահմաններ չի ճանաչում, և մենք բոլորս պետք է ավելի լավ հասկանանք, թե ինչպես է առաջացել Covid-19-ը, որպեսզի հետագայում խուսափենք համաճարակներից»,- ասաց Բայդենը:

Ջո Բայդենի խոսքով, ԱՄՆ-ն կանի հնարավորը՝ համաճարակի արմատները պարզելու համար:

Հիշեցնենք, որ ԱՄՆ հետախուզությունը հրապարակել է զեկույց կորոնավիրուսի ծագման վերաբերյալ: ԱՄՆ հետախուզության պաշտոնյաները բացառել են, որ Չինաստանը կարող է մշակել կորոնավիրուսը որպես կենսաբանական զենք, սակայն ասում են, որ առանց Չինաստանի օգնության, ամենայն հավանականությամբ, վիրուսի ծագումը կմնա չպարզված: Զեկույցի հեղինակները համոզիչ կերպով հավատում են վիրուսի ծագման երկու տեսություններին, որ վիրուսը մարդկանց մեջ տարածվել է կենդանիներից բնական պրոցեսի արդյունքում կամ այն ​​տարածվել է չինական լաբորատորիայի արտահոսքի արդյունքում: