Ամերիկայի Միացյալ Նահանգների նախագահ Ջո Բայդենի հայտարարության համաձայն՝ ինքը պատրաստ է հանդիպել Միացյալ Նահանգների Ներկայացուցիչների պալատի նախագահին՝ քննարկելու Ուկրաինայի ֆինանսավորման օրինագիծը։

Ջո Բայդենն ասել է, որ հանրապետականները սխալվում են՝ դեմ լինելով օգնության փաթեթին։

«Մեծ սխալ են անում, երբ չեն պատասխանում։ Տեսեք, թե ինչպես են հետ են կանգնում Ռուսաստանի սպառնալիքից, ինչպես են հեռանում ՆԱՏՕ-ից, ինչպես են հեռանում մեր պարտավորությունները կատարելուց, ուղղակի ցնցող է։ Ես երկար ժամանակ այստեղ եմ, բայց նման բան չեմ տեսել»,- լրագրողների հետ զրույցում ասել է Բայդենը։

Հիշեցնենք, որ ԱՄՆ Սենատը փետրվարի 13-ին հավանություն է տվել Ուկրաինային, Իսրայելին և Թայվանին 95 միլիարդ դոլարի ֆինանսական օգնության փաթեթին, թեև ԱՄՆ Կոնգրեսի Ներկայացուցիչների պալատի խոսնակն ասել է, որ Սենատի կողմից հաստատված օրենքը Կոնգրեսի կողմից չի հաստատվի։

Բացի այդ, լրագրողները հարցրել են ԱՄՆ նախագահին, թե արդյոք նա հավելյալ պատժամիջոցներ կկիրառի Ռուսաստանի դեմ Ալեքսեյ Նավալնիի մահվան պատճառով։

«Մենք արդեն պատժամիջոցներ ունենք։ Այո, մենք կդիտարկենք նաև լրացուցիչ պատժամիջոցներ»,- լրագրողների հարցին պատասխանել է Ջո Բայդենը։