ԱՄՆ նախագահ Ջո Բայդենը հերթական անգամ դիմել է Ֆլորիդայի բնակիչությանը։

Բայդենի խոսքով՝ չնայած այն հանգամանքին, որ «Միլթոն» փոթորիկը գնահատվել է որպես երրորդ կատեգորիա, մարդիկ չպետք է թուլանան։ Մինչ այդ հայտնի էր, որ կանխատեսողները «Միլթոնին» հատկացրել են առավելագույն՝ հինգերորդ կատեգորիա։

«Ոչ ոք չպետք է շփոթի. Դեռևս սպասվում է, որ դա կլինի ամենաավերիչ փոթորիկներից մեկը, որը հարվածել է Ֆլորիդային վերջին հարյուրամյակում»,- ասել է Բայդենը։

ԱՄՆ նախագահը հերթական անգամ Ֆլորիդայի բնակիչներին կոչ է արել ենթարկվել տարհանման հրամանին։

«Երբեմն ընդամենը մի քանի մղոն տեղափոխելը կարող է կյանքի և մահվան խնդիր լինել», – ասել է Ջո Բայդենը:

Հիշեցնենք, որ Ֆլորիդային մոտենում է ամենաուժեղ փոթորիկներից մեկը՝ «Միլթոնը»։ Ավելի քան մեկ միլիոն մարդու հրամայվել է տարհանել։ Դեռևս հայտնի չէ, թե Ֆլորիդայի Միլթոնի որ հատվածը կլինի առավել կործանարար, սակայն սպասվում է, որ փոթորիկը կհարվածի Ֆլորիդայի Տամպա խիտ բնակեցված քաղաքին։ «Միլթոն» փոթորիկը երեկվա համեմատ կրկնապատկվել է ուժգնությամբ և ակնկալվում է, որ ավելի ուժեղանա: