Եթե ​​Բենիամին Նեթանյահուն հրամայի լայնածավալ գործողություն սկսել Ռաֆահում, ապա ԱՄՆ-ը կդադարեցնի որոշ ամերիկյան զենքի մատակարարումը Իսրայելին,- այս մասին Սի Էն Էն-ին տված հարցազրույցում, հայտարարել է ԱՄՆ նախագահ Ջո Բայդենը։

«Այդ ռումբերի հետևանքով խաղաղ բնակիչներ են զոհվել Գազայում և թիրախավորել են բնակեցված տարածքները։ Ես հասկացրել եմ, որ եթե նրանք մտնեն Ռաֆահ, որը նրանք դեռ չեն գնացել, ես չեմ պատրաստվում մատակարարել այն զենքերը, որոնք պատմականորեն օգտագործվել են Ռաֆահի դեմ, քաղաքների դեմ կռվելու համար, և դա լուծում է այդ խնդիրը, – ասել է Բայդենը։

Ինչպես ասում է ԱՄՆ նախագահը՝ շարունակելու է ապահովել Իսրայելի անվտանգությունը։

Բայդենի խոսքով՝ ինքը չի համարում Իսրայելի հարձակումը Ռաֆահի վրա որպես ցամաքային գործողություն։

«Բնակավայրեր չեն մտել։ Իրենց արածը սահմանին է»,- ասաց նա։

Հարցազրույցի ընթացքում Բայդենը նաև ասել է, որ Իսրայելը Գազայի խաղաղ բնակիչների դեմ օգտագործել է ԱՄՆ-ի մատակարարած զենքը, իսկ լրագրողի այն հարցին, թե Իսրայելը հատե՞լ է կարմիր գիծը, նախագահը պատասխանել է, որ դեռ ոչ։