Վրաստանն ու Հայաստանը շահագրգռված են Եվրամիությանն ու միասնական շուկային մերձենալու հարցում. Կարծում եմ, որ նման ինտեգրումը հնարավոր է միայն այն դեպքում, եթե համաձայնագիր ստորագրվի Երևանի և Բաքվի միջև,- «Ազատություն» ռադիոկայանին տված հարցազրույցում ասել է Եվրոպայի և Եվրասիայի հարցերով ԱՄՆ պետքարտուղարի օգնական Ջիմ Օ՛Բրայենը։

«Այս փաստաթուղթը հնարավորություն է տալիս ունենալ առեւտրային ճանապարհ, որը Ղազախստանից կանցնի Թուրքիա եւ դուրս կգա Միջերկրական կամ Սեւ ծովից։ Այս երթուղին կլրացնի գոյություն ունեցող երթուղին, որն անցնում է Ադրբեջանի տարածքից դեպի Վրաստան՝ Սև ծովի մոտ։ Այս երկու երթուղիները միասին Կենտրոնական Ասիայի երկրներին հնարավորություն կտան անկախ մուտք գործել դեպի համաշխարհային շուկա Ռուսաստանից և Չինաստանից։ Մենք վճռականորեն աջակցում ենք այս հնարավորությանը»,- ասել է Բրայանը։

Ինչպես ասել է Օ’Բրայենը, Հայաստանի և Ադրբեջանի միջև կա խաղաղ համաձայնագրի կնքման հավանականություն, քանի որ Ռուսաստանը բախվում է դժվարությունների, որոնց կարող է չհանդիպել հաջորդ տարի։ Նրա խոսքով՝ իրենք աշխատում են այս հնարավորությունների պատուհանի վրա։

«Ռուսաստանը ցանկանում է հայտարարել, որ երբ հաղթի Ուկրաինայում, կվերադառնա Կովկաս, բայց Ռուսաստանը չի կարող հաղթել Ուկրաինայի դեմ և չի վերադառնում Կովկաս, ինչպես դա եղել է երկար ժամանակ։ Հիմա ժամանակն է, որ Հայաստանի քաղաքացիները հայտարարեն, որ որոշել են և ցանկանում են առաջ շարժվել, ոչ թե հետ գնալ։ Այժմ առաջ գնալու հնարավորություն կա, քանի որ Ռուսաստանը խրված է Ուկրաինայում»,- ասել է Բրայանը։

Պետքարտուղարի օգնականը նաև նշել է, որ ԱՄՆ-ը Հայաստանի հետ հարաբերությունները կբարձրացնի ռազմավարական գործընկերոջ մակարդակի, ինչը նշանակում է աշխատել Հայաստանի հետ՝ ամրապնդելու նրա ժողովրդավարությունը, անվտանգությունը, ոստիկանությունը և սահմանային ուժերը և տնտեսության դիվերսիֆիկացումը:

«Հայաստանը պետք է հնարավորություն ունենա գլոբալ առևտուր իրականացնել և կախվածություն չունենա Ռուսաստանից, ինչպես հիմա է։ Սա այն ուղղություններից է, որի վրա մենք շարունակելու ենք աշխատել։ Մենք հարաբերություններ ունենք ադրբեջանցիների հետ, որոնք նույնպես շատ առումներով արդյունավետ և կառուցողական են։ Երկու կողմերի հետ էլ կհամագործակցենք։ Մենք ուրախ կլինենք օգնել ֆինանսապես կամ ընկերությունների հետ համագործակցելով, որպեսզի նրանք կարողանան օգտվել խաղաղ տարածաշրջանի հնարավորությունից խաղաղության համաձայնագրի դեպքում։ Մենք պատրաստ ենք համագործակցել Հայաստանի և Ադրբեջանի հետ ցանկացած հնարավորության դեպքում, որպեսզի գործընկերները օգնեն միմյանց»,- ասել է Օ՛Բրայենը։