Ինձ դուր է գալիս, երբ Հռոմի պապը խոսում է միգրացիայի, աբորտների, պատերազմի և խաղաղության մասին, քանի որ դա առնվազն քննարկումներ է առաջացնում։ Վերջին ամիսներին Հռոմի պապը հայտարարություններ է արել, որոնց հետ ես համաձայն չեմ, ասել է ԱՄՆ փոխնախագահ Ջ.Դ. Վենսը։

Վենսն ասել է, որ չնայած ինքը «հիասթափված է» որոշ հոգևորականների կողմից ԱՄՆ քաղաքականության քննադատությունից, նա դեռևս սիրում և հիանում է Հռոմի պապով։

«Ես մեծ հարգանք ունեմ Հռոմի պապի նկատմամբ։ Ես նրան սիրում եմ։ Ես հիանում եմ նրանով։ Ինձ դուր է գալիս, երբ Հռոմի պապը խոսում է միգրացիայի, աբորտների, պատերազմի և խաղաղության մասին, որովհետև դա առնվազն քննարկումներ է առաջացնում։ Իհարկե, վերջին ամիսներին Հռոմի պապի կողմից եղել են հայտարարություններ, որոնց հետ ես համաձայն չեմ։ Եկեք վերցնենք շատ կոնկրետ օրինակ՝ Իրանի հակամարտության վերաբերյալ։ Հռոմի պապն ասաց՝ կփորձեմ հիշել ճշգրիտ մեջբերումը՝ նա ասաց, որ Աստված երբեք նրանց կողմից չէ, ովքեր սուր են օգտագործում։ Մի կողմից, ինձ դուր է գալիս, որ Հռոմի պապը խաղաղարար է, դա, անշուշտ, նրա դերերից մեկն է։ Բայց մյուս կողմից, ինչպե՞ս կարող եք ասել, որ Աստված երբեք նրանց կողմից չէ, ովքեր սուր են օգտագործում։ Արդյո՞ք Աստված ամերիկացիների կողմից էր, ովքեր Ֆրանսիան ազատագրեցին նացիստներից։ Արդյո՞ք Աստված ամերիկացիների կողմից էր, ովքեր ազատագրեցին Հոլոքոստի ճամբարները։ Կարծում եմ՝ պատասխանը այո է», – ասաց Վենսը։

Վենսին ընդհատեց լսարանի մի անդամ, որը գոռաց, որ Աստված չի աջակցի ցեղասպանությանը, որին ԱՄՆ փոխնախագահը պատասխանեց. «Ես իսկապես կարծում եմ, որ պատասխանը այո է, և ես համաձայն եմ։ Աստված չի աջակցում ցեղասպանությանը։ Ահա իմ պատասխանը. երբ մենք եկանք, Ղազայում մարդասիրական իրավիճակը բացարձակ աղետ էր, և ո՞վ հասավ խաղաղության համաձայնագրի Ղազայում – Դոնալդ Թրամփը»։