Լավ նորություն ունեմ, Մաքֆոլն ասել է, որ Վրաստանի որոշ քաղաքացիների նկատմամբ պատժամիջոցների հարցը կքննարկվի առաջիկա պատժամիջոցների փաթեթում։ Նախ ուզում եմ հանգստացնել Վրաստանի քաղաքացիներին, բնականաբար, վրաց ժողովուրդը չի տուժի, խոսքը վերաբերում է Բիձինա Իվանիշվիլիին և նրա մերձավոր շրջապատին,- այս հայտարարությունը արել է Դավիթ Արախամիան։

Նրա խոսքով, «Վրաստանի Եվրամիությանն անդամակցելու պայմաններից մեկը ապաօլիգարխացումն է, հետևաբար օգնություն է անհրաժեշտ՝ նվազեցնելու օլիգարխների ազդեցությունը վրացական քաղաքականության և վրացական պետության կյանքում»։

«Հաշվի առնելով, որ Իվանիշվիլին և նրա թիմը գրավել են Վրաստանում իշխանության բոլոր թևերը, բնականաբար, խնդիր կա՝ ինչպես ազատվել դրանից կամ նվազագույնի հասցնել։ Բոլոր ուժային կառույցները վերահսկվում են Իվանիշվիլիի ներկայացուցչության, քաղաքական կառույցների, կառավարության, առանցքային նախարարությունների կողմից։ Ուստի, ցավոք, Վրաստանն ինքնուրույն չի կարողանա դուրս գալ այս ծուղակից։ Միջազգային գործընկերները կներգրավվեն այս հարցում և կօգնեն ձեզ արագ և արդյունավետ։ Սպասում ենք նորությունների։ Մենք հետևում ենք Ամերիկայի և Եվրամիության նորություններին»,- ասել է Արախամիան «TV Պիրվելի»-ի եթերում։