Կառավարությունը մոտ ապագայում խորհրդարան կներկայացնի նախաձեռնություն, որի համաձայն կենսաթոշակները երաշխավորված կավելանան ամեն տարի Ֆինանսների նախարար Իվանե Մաճավարիան այսօր խոսեց կենսաթոշակների ինդեքսավորման նախաձեռնության մասին:

Նա ասաց, որ թեման տարիներ շարունակ եղել է օրակարգում:

«Տարվա սկզբին կենսաթոշակների բարձրացումը փաստ է, որը 2020 թվականի հունվարի 1-ից գործում է բոլոր թոշակառուների համար: Նաև, սպասվող ավելացումը 30 լարիի չափով, 70 տարեկանից բարձր թոշակառուների համար ուժի մեջ կմտնի հուլիսի 1-ից: Թեև դա լուրջ մարտահրավեր է բյուջեի համար, մենք ոչ միայն չենք հրաժարվել այս նախաձեռնությունից, այլ կարծում ենք, որ այն այսօր շատ կարևոր է և արդիական: Բացի այդ, դա ինդեքսավորման մի մասն է, որը կնպաստի ապագայում Վրաստանում ավելացնել կենսաթոշակները», – ասաց նախարարը: «Բոլորն, ովքեր չէին ալարում, շահարկում էին այս թեման, երբեմն ասում էին, որ կենսաթոշակը մենք կբարձրացնենք 300 լարիով, երբեմն՝ 400 լարիով և այլն: Մենք որոշել ենք ապագայում մշակել այնպիսի կանոն, որը գործնականում կապահովի կենսաթոշակների տարեկան բարձրացումը: Այս նախաձեռնությամբ Վրաստանի կառավարությունը մի քանի օրից կմտնի խորհրդարան», – ասաց նախարարը:

Ըստ նրա, կենսաթոշակի բարձրացման չափը կախված կլինի գնաճից և տնտեսական աճի գործակծից՝ առնվազն 20-25 լարի:

«Այս կանոնը հետևյալն է. Մինչև 70 տարեկան թոշակառուների թոշակի բարձրացում տեղի կունենան սղաճը հաշվի առնելով, իսկ 70-ից բարձր` սղաճը և տնտեսական աճի 80 %-ը հաշվի առնելով:

«Վրաստանի պատմության մեջ մեկ տարվա ընթացքում կենսաթոշակների բարձրացում գրեթե չի գրանցվել՝ ավելի քան 20 լարիով: Եղել են տարիներ, երբ այն ավելացել է 20 լարիով, և եղել են տարիներ, երբ կենսաթոշակն ընդհանրապես չի բարձրացել: Դա կախված էր կառավարությունից։ Մենք ուզում ենք ներմուծել կանոն, ըստ որի, կենսաթոշակներն ավտոմատ կերպով ավելանան ամեն տարի. մինչև 70 տարեկան կենսաթոշակառուների համար 20 լարիով, իսկ 70-նն անց՝ 25 լարիով: Ապագայում, եթե տնտեսական աճը կամ սղաճն ավելի բարձր լինեն, ապա այդ գումարները կկարգավորվեն ըստ այդ ցուցանիշների», – ասաց Իվանե Մաճավարիանին: