Իտալիայի Հանրապետության հետ չվերթների ժամանակավոր դադարեցման հետևանքով Իտալիայում մնացած Վրաստանի այն քաղաքացիները, որոնց հետ վերադարձի ավիատոմսերը չեղարկվել են առաջիկա երկու շաբաթվա ընթացքում, մոտ ապագայում կվերադառնան Վրաստան: Նրանց վերադարձը կապահովի Վրաստանի կառավարությունը:

Ինչպես Վրաստանի Առաջին ալիքին տեղեկացրել են արտաքին գործերի նախարարությունից, արդեն մշակված են բոլոր այն քաղաքացիների տվյալները, ովքեր համապատասխան որոշումը հրապարակվելուց հետո դիմել են Իտալիայում Վրաստանի դեսպանությանը:

Հատկանշական է, որ Վրաստանն առաջին երկրներից է, որը Իտալիայի հետ չվերթները դադարեցնելուց հետո դուրս է բերում իր քաղաքացիներին:

Վրաստանի արտաքին գործերի նախարարի առաջին տեղակալ Ալեքսանդրե Խվթիսիաշվիլին հայտարարում է, որ Իտալիայից ժամանած քաղաքացիները Վրաստան ժամանելուն պես կստուգվեն: