Իտալիայի խորհրդարանի արտաքին հարաբերությունների հանձնաժողովում կայացել է Վրաստանի խորհրդարանի արտաքին հարաբերությունների հանձնաժողովի նախագահ Նիկոլոզ Սամխարաձեի առցանց լսումները։

Լսումներին մասնակցել են Իտալիայի խորհրդարանի արտաքին հարաբերությունների հանձնաժողովի նախագահը և հանձնաժողովի անդամները։

Նիկոլոզ Սամխարաձեն գործընկերներին տեղեկացրել է արտաքին քաղաքականության, Եվրամիությանն ինտեգրման, օկուպացված Աբխազիայի և Ցխինվալի տարածաշրջանի ծանր իրավիճակի, ներքաղաքական գործընթացների մասին։

Արտաքին հարաբերությունների հանձնաժողովի նախագահը անդրադարձել է տարածաշրջանի անվտանգության միջավայրին և երկրի առջեւ ծառացած մարտահրավերներին։ Նա խոսեց նախատեսված խորհրդարանական ընտրությունների, առկա նախընտրական միջավայրի ու կառավարության նախընտրական ծրագրի մասին։

«Լսումների ընթացքում ես վերանայեցի քաղաքական և տնտեսական կարևոր խնդիրները, երկրի առջեւ ծառացած մարտահրավերները և ապագա ծրագրերը։ Իտալիայի խորհրդարանի արտաքին հարաբերությունների հանձնաժողովի անդամների հարցերը հիմնականում վերաբերում էին եվրաինտեգրման գործընթացին, նախընտրական միջավայրին, ընտրություններին սփյուռքի մասնակցությանը և հետընտրական ակնկալիքներին։

Իտալացի գործընկերները հետաքրքրված էին «Միջին միջանցք» նախագծի զարգացմամբ և Անակլիա նավահանգստի կառուցմամբ, ինչպես նաև Հայաստանի և Ադրբեջանի միջև ընթացող խաղաղության պայմանագրի ստորագրման գործընթացներով և Վրաստանի դերով այս գործընթացում», – ասաց Նիկոլոզ Սամխարաձեն։

Տեղեկությունը տարածում է Վրաստանի խորհրդարանի մամուլի ծառայությունը։