Իտալիայի նախարարների խորհրդի նախագահ Մարիո Դրագին շնորհավորում է Իրակլի Ղարիբաշվիլիին՝ Վրաստանի վարչապետի պաշտոնում նշանակվելու կապակցությամբ: Տեղեկատվությունը տարածում է Վրաստանի կառավարության վարչության մամուլի ծառայությունը:

Շնորհավորական նամակում նշվում է նաև երկու երկրների համագործակցության և այն փաստի մասին, որ Իտալիան աջակցում է Վրաստանի տարածքային ամբողջականությանը և ինքնիշխանությանը:

«Պարոն վարչապետ, իմ և Իտալիայի կառավարության անունից ի սրտե ցանկանում եմ շնորհավորել Ձեզ՝ Վրաստանի կառավարության ղեկավար նշանակվելու կապակցությամբ, և մաղթել հաջողություններ կառավարության աշխատանքում:

Մեր հարաբերություններում հասած հիանալի բարձունքները վստահություն և հույս են տալիս, որ առաջիկա ամիսներին այս համագործակցությունը կարող է էլ ավելի ինտենսիվ դառնալ, չնայած մենք դեռ կանգնած ենք համաճարակի դեմ պայքարի մարտահրավերների առջև:

Վրաստանը կարող է շարունակել ապավինել Իտալիային՝ իր տարածքային ամբողջականությանը և ինքնիշխանության աջակցության հարցում, ինչպես նաև անկեղծ համագործակցության ինստիտուցիոնալ մթնոլորտի հաստատմանը խրախուսելու ջանքերին: Իտալիան աջակցում է ձեր երկրի կողմից իրականացվող բարեփոխումների հավակնոտ ուղու շարունակմանը Եվրամիության հետ համագործակցության առումով», – ասված է նամակում: