Այսօր մենք նշում ենք Իտալիայի Հանրապետության օրը, երբ Երկրորդ համաշխարհային պատերազմից հետո Իտալիան միապետությունից վերածվեց Իտալիայի Հանրապետության, կանանց առաջին անգամ ընտրելու իրավունք տրվեց, և դա շատ կարևոր պահ էր։ Այդ ժամանակից ի վեր Իտալիան աճում է, զարգանում, ինտեգրվում միջազգային հանրությանը, ՄԱԿ-ին,- ասել է Վրաստանում Իտալիայի դեսպան Մասիմիլիանո Դ’Անտուոնոն։

Դեսպանի խոսքով, վրացիներն ու իտալացիները շատ ընդհանրություններ ունեն:

«Հռոմը դարձավ Եվրամիության հիմնադիրներից մեկը, այս տարի «Մեծ յոթնյակի» նախագահն է Իտալիան։ Մենք միշտ ձգտում ենք համագործակցության, խաղաղության և զարգացման ոչ միայն մեր երկրի, այլ նաև միջազգային հանրության։ Ինչ վերաբերում է Վրաստանի և Իտալիայի երկկողմ համագործակցությանը, ապա մենք շատ նմանություններ ունենք՝ լինի դա սպորտի, գինու, թե ուտելու սերը, բայց նաև բիզնեսով զբաղվելը։ Դուք շատ ընկերասեր եք, և ուր էլ որ գնամ Վրաստանում, միշտ հանդիպում եմ մեկին, ով խոսում է իտալերեն, սիրում է Իտալիան, և նույնը տեղի է ունենում Իտալիայում, երբ նրանք այնտեղ հանդիպում են վրացիների»,- ասաց Իտալիայի դեսպանը։