Իտալական «Wine News» հրատարակությունը հրապարակում է Վրաստանի զբոսաշրջային ներուժի մասին հոդվածների շարք։ Վրաստանի զբոսաշրջության ազգային վարչության տեղեկություններով՝ հրապարակման լրագրողը Վրաստան է մեկնել Զբոսաշրջության վարչության շրջագայության շրջանակներում։

«Կուժը խորհրդանշական հսկայական արժեք ունի՝ հողի մեջ դրված այս անոթում գինի է պատրաստվում, այս կերպ գինին ձուլվում է հողի հետ, այստեղ գինու վերածնունդ է տեղի ունենում, ինչպես նաև Դիոնիսոսից սկսած բազմաթիվ աստվածություններ։ Գինին սերտորեն կապված է արևի, աստվածային խորհրդանիշի և նրա էներգիայի հետ: Վրացական տներում նկուղները, որտեղ հազարամյակներ շարունակ գինի են պատրաստում, կոչվում են «մառան»,- գրում է հոդվածի հեղինակ Պիեռ Միշել Կապուլը։

Վրաստանի զբոսաշրջության ազգային վարչության տվյալներով՝ լրագրողը հրապարակման համար պատրաստում է Վրաստանի մասին մի քանի հոդված։

«Wine News»-ը գրում է Իտալիայի գինեգործական շրջանների, խոհանոցի ու զբոսաշրջության մասին։ Հրատարակությունն ամեն օր ունենում է 40 000 այցելու իր կայք։ Պիեռ Միշել Կապուլը երեք իտալացի լրագրողների հետ Վրաստանում էր՝ Մերանոյի գինու փառատոնի շրջանակում կայացած մամուլի շրջագայության»,- նշվում է Վրաստանի Զբոսաշրջության ազգային վարչության հաղորդագրության մեջ։